“Башҡорт телен яратабыҙ!”

Малаяҙ башҡорт гимназияһында бөгөн Башҡорт теле көнөнә арналған саралар үтте. Уҡыусылар Башҡортостандың халыҡ шағиры, арҙаҡлы яҡташыбыҙ Рәми Ғариповтың “Туған тел” шиғырын, башҡорт халыҡ әкиәттәрен һөйләне, бөйөк шағир, билдәле мәғрифәтсе Мифтахетдин Аҡмулла тураһында видеофильм ҡараны. 3-сө класс уҡыусылары милли кейемдәге ҡурсаҡтар ҙа эшләп килтергәйне. Милли ризыҡтарҙан бауырһаҡ, музыка ҡоралдарынан ҡурай ҙа булды. Уҡыусылар был сарала туған телебеҙҙән илһам алып, милли рух тойғоһо кисерҙе.