-17 °С
Болотло
Бөтә яңылыҡтар
Конкурстар
8 Июнь 2025, 18:15
"Әйҙә уйнарға" фестивалендә "Төньяҡ балҡышы" конкурсы еңеүселәре бүләкләнде
Бөтә республиканан балалар жюри хөкөмөнә Арктика пейзаждары, аҡ айыуҙар һәм үҙ ҡулдары менән йыйылған караптар һәм боҙватҡыстар макеттарын ебәрҙе. Айырым тема - Башҡортостан матурлығы менән һалдаттар өсөн ҡулдан яһалған открыткалар. Альбанов исемендәге полярниктар музейы һәм Баҡаев исемендәге Өфө балалар диңгеҙ үҙәге бындай ярышты бишенсе тапҡыр үткәрҙе.
"Әйҙә уйнарға" фестивалендә "Төньяҡ балҡышы" конкурсы еңеүселәре бүләкләнде
– Еңеүселәрҙе бүләкләү тап "Әйҙә уйнарға" фестивалендә үтеүенә шатмын. Беҙ барыбыҙ ҙа бала саҡтан, һәм әлегә уйнарға, ғәжәпләнергә һәләтле, беҙҙең йән тере. Һүрәт төшөрөүҙе һәм ижад итеүҙе туҡтатмағыҙ, – тип мөрәжәғәт итте балаларға ҡаланың Йәмәғәт палатаһы секретары Әнүәр Байков.
Ул махсус хәрби операцияла һәр подразделениела тиерлек балалар һүрәттәре һәм хаттары стенаһы булыуын билдәләне.
"Патриотизм эш аша сағылырға тейеш. Ә һеҙҙең һүрәттәрегеҙ, фронтҡа хаттарығыҙ – был һеҙҙең бәләкәй эштәрегеҙ", – тине ул конкурсанттарға.
"Төньяҡ балҡышы" балалар сәнғәт мәктәптәре, ижади түңәрәктәр һәм балалар баҡсалары уҡыусыларын берләштерә. Конкурсҡа 150-гә яҡын эш килгән.
II "Әйҙә уйнарға" фестиваленең матбуғат хеҙмәте.
Новости партнеров