“БАШҠОРТОСТАН ҠОШТАРЫ” КОНКУРСЫ ТАМАМ

“Янғантау” шифаханаһында “Башҡортостан ҡоштары” 9-cы республика интернет-конкурсына йомғаҡ яһалды. Төп призға Арҡауыл мәктәбе уҡыусыһы Эвелина Ғарифуллина (етәксеһе Вәсимә Абдуллина) лайыҡ булды. Балаларға бүләктәрҙе шифахана директоры Альфред Аҡбашев тапшырҙы. Төрлө номинацияларҙа еңеү яулаған балалар ҙа Кристина Хәжиева (1-се Малаяҙ мәктәбе), Илнар Әхмәтов (МБГ), Анастасия Будылина (Балалар сәнғәт мәктәбе), Азат Мөхәмәтшин (Янғантау) бүләкле булды. Сараның һуңында шифахана хеҙмәткәре Рәүел Саматов экскурсия ойошторҙо.