Радий Хәбиров һәм Михаил Волков республикала 35 почта бүлексәһен асты

            «Республика өсөн был – мөһим ваҡиға, беҙҙә халыҡтың күпселеге ауылда йәшәй. Унда кешеләр почта хеҙмәттәренә мохтаж. Президентҡа ошондай программа өсөн рәхмәт. Быйыл да ошо эште дауам итәбеҙ. Почта хеҙмәткәрҙәренә эштәре өсөн рәхмәт белдерәм», - тине Радий Хәбиров.

Рәсәй почтаһының генераль директоры хеҙмәттәштәрен яңы бүлексәләр асылыуы менән ҡотланы.

«Ауыл халҡына яңы уңайлы шарттар булдырыла. Был Рәсәй Президентының туранан-тура йөкләмәһен уңышлы үтәүҙең оло һөҙөмтәһе булып тора. Республика етәкселегенә лә ошо бурыстарҙы тормошҡа ашырыуҙа әүҙем ярҙам күрһәткәне өсөн рәхмәт. Республика йылдам үҫешә, социаль объекттарҙың нисек төҙөлөүен, инфраструктураның үҫешеүен күрәбеҙ. Был үҫештең бер өлөшө булыуыбыҙға шатбыҙ. Ауылда почта - социаль инфраструктураның мөһим өлөшө», - тип билдәләне Михаил Волков.

2022-2023 йылдарҙа республиканың ауыл почта бүлексәләрен яңыртыуға «Рәсәй почтаһы» акционерҙар йәмғиәте инвестицияларының дөйөм суммаһы 238 миллион һум тәшкил иткән. Әлеге бүлексәләрҙә йәмғеһе 147 956 кеше хеҙмәтләндерелә. Шунда эшләгән 220-нән ашыу хеҙмәткәр эш шарттарын яҡшыртҡан.

2024 йылда 21 почта бүлексәһен яңыртыу күҙаллана. Инвестицияларҙың яҡынса күләме 218 миллион һум булыр тип көтөлә.

https://www.bashinform.ru/news/social/2024-02-16/radiy-habirov-i-mihail-volkov-otkryli-35-otdeleniy-pochtovoy-svyazi-v-bashkirii-3646340