Бөтә яңылыҡтар

Бөрө — Таҙтүбә — Һатҡы трассаһында хәрәкәт 2022 йылдың декабрендә асыла

Башҡортостан Башлығы Радий Хәбиров социаль селтәрҙәге сәхифәһендә Бөрө — Таҙтүбә — Һатҡы автомобиль юлы төҙөлөшө барышы тураһында һөйләне. 60,9 саҡрым оҙонлоҡтағы автомобиль юлы республиканың төньяҡ-көнсығышында бик кәрәк.

Бөрө — Таҙтүбә — Һатҡы трассаһында хәрәкәт 2022 йылдың декабрендә асыла
Бөрө — Таҙтүбә — Һатҡы трассаһында хәрәкәт 2022 йылдың декабрендә асыла
Фото:Радий Хәбировтың социаль селтәрҙәре

Әлеге ваҡытта бында ямғыр канализацияһы һәм таҙартыу ҡоролмалары төҙөлә: Дыуан һәм Ҡариҙел райондарында һыу үткәргес торбалар монтажланды, ете аркалы күпер төҙөлдө, 35 саҡрымдан ашыу юлға асфальт түшәлде. Эштәр графикка ярашлы бара, яңы юл ике һыҙатлы була, ләкин ҡатмарлы биләмәләрҙә хәүефһеҙлек өсөн өс һыҙатлы участкалар булдырыу күҙ уңында тотола. Яңы трассала хәрәкәтте 2022 йылдың декабрендә асыу планлаштырыла.

«Республикабыҙҙың төньяҡ-көнсығышын үҫтереүгә йүнәлтелгән ҙур төбәк проекттарының береһе. Һөҙөмтәлә республиканың үҙәк райондары менән ышаныслы һәм уңайлы транспорт бәйләнеше барлыҡҡа килер, М5 һәм М7 федераль трассаларына, Яңауыл тимер юл станцияһына һәм Бөрө, Дүртөйлө йылға порттарына сығыу мөмкинлеге булыр», — тип билдәләне Радий Хәбиров.
Автор:Роман Якимчук
Автор:"Башинформ"
Читайте нас в