Май байрамдары алдынан уҡ, “Тарихи хәтер” акцияһына ярашлы, һәйкәлдәр, стелалар, обелискылар тәртипкә килтерелде. Уларҙың тирә-яғы таҙартылды, һәйкәлдәр ағартылды, буятылды.
"Берҙәм Рәсәй" партияһының урындағы башҡарма комитеты рәйесе Адик Асҡаров хәбәр итеүенсә, Салауат районындағы ауылдарҙың һәйкәл-стелаларының торошо ҡыштан уҡ тикшерелгән булған. Шуның һөҙөмтәһендә улар урындағы халыҡ көсө менән төҙөкләндерелгән. Төҙөкләндереү материалдары "Берҙәм Рәсәй" партияһының финанс ярҙамы менән тәьмин ителде.