“Еңеү” марафонына салауаттар ҙа ҡушылды

Быйыл илебеҙҙә Бөйөк Еңеүҙең 75 йыллығы билдәләнә. Ошо айҡанлы республикала “Еңеү” марафоны старт алды.Был марафонға Салауат районы ла ҡушылды. Бөгөн Үрге Ҡыйғы ауылында марафон­дың символикаһы - “Еңеү” штандарты һәм “Мәңгелек ут” капсулаһын тапшрыу тантанаһы уҙҙы. Унда Салауат, Дыуан, Мәсетле һәм Балаҡатай райондары вәкилдәре ҡатнашты. “Еңеү” марафоны положениеһына ярашлы, уның символдарын тапшырыу тантанаһы ун муниципаль районда үтәсәк. Уларҙа “Еңеү Салюты” халыҡ ижады фестивале смотрҙары ойоштороласаҡ. Республика марафо­нының йомғаҡлау этабы 2020 йылдың 9 майында Өфөлә үтәсәк.