148 кеше һәләк булған, уларҙың 12-һе бала....

Кәңәшмәлә ҡаралған мәсьәләләрҙең береһе – Башҡортостан Республикаһында граждандар оборонаһын һаҡлау ҡоролмалары мәсьәләһе. Күҙәтеү һәм иҫкәртеү сараларын ойоштороу бүлеге начальнигы Павел Сабитов үҙенең докладында янғындар тураһында һандарҙы һөйләне.

2025 йылдың 12 сентябренән 18 сентябренә тиклем 134 янғын теркәлгән, уларҙа өс кеше һәләк булған, дүрт кеше йәрәхәтләнгән.

134 янғындың 63-ө ут менән һаҡһыҙ эш итеү сәбәпле сыҡҡан, 37 осраҡ – янғын электр ҡорамалдарын ҡороу һәм файҙаланыу ҡағиҙәләрен боҙоу һөҙөмтәһендә, төҙөк булмаған ҡоролма һәм мейестәрҙең һәм төтөн юлының боҙолоуы арҡаһында 13 янғын булған. Бер аҙна эсендә транспорт саралары ҡоролошо ҡағиҙәләрен боҙоу менән бәйле туғыҙ янғын теркәлгән.

2025 йыл башынан республикала 5683 янғын теркәлгән, ҡыҙғанысҡа ҡаршы, уларҙа 148 кеше һәләк булған, уларҙың 12-һе бала. Шулай уҡ 135 кеше йәрәхәтләнгән, 1259 кеше ҡотҡарылған.

Көндәр һалҡынайтҡан һайын электр үткәргестәрен һәм ҡорамалдарын файҙаланыу, мейестәрҙе тығыу, ут менән һаҡһыҙ эш итеү менән бәйле янғындар хәүефе арта. Граждандарҙы уяу булырға һәм янғын хәүефһеҙлеге ҡағиҙәләрен үтәргә саҡырабыҙ!

Фото: Рәсәй Ғәҙәттән тыш хәлдәр министрлығының Башҡортостан Республикаһы буйынса Баш идаралығынан.