Көтөлмәгән хәл тураһында нисек хәбәр итергә, ярҙам һорарғамы йәки мөһим мәғлүмәт хаҡында фажиғә урынынан хәбәр ебәрергәме?

Ғәҙәттән тыш булған төрлө хәлдәрҙә (әгәр үҙең шундай хәлгә тарыһаң йәки шаһит булһаң) 112 ҡушымтаһы аша 112 системаһы шылтыратыуҙарын эшкәртеү үҙәгенә хәбәр ебәрергә, көтөлмәгән хәл булған урындың аныҡ координаталарын билдәләргә, фото һәм видео ебәрергә мөмкин. Быны янғын, автомобиль аварияһы йәки енәйәт урынынан эшләргә була.

112 мобиль ҡушымтаһының файҙаһы:

- Көтөлмәгән хәл килеп тыуған осраҡта һеҙҙең ҡайҙа икәнегеҙҙе беләсәктәр.
- Әгәр ҡушымта аша ашығыс хеҙмәт саҡыртһаң, диспетчер һеҙҙең профилдәге мәғлүмәттәрҙе, телефон номерын һәм аныҡ урынығыҙҙы белеп торасаҡ.
- Ярҙам саҡыртыу карточкаһына ваҡиға урынынан һүрәтләмә, фото, аудио һәм видео өҫтәргә мөмкин - был осраҡта ашығыс хеҙмәт һеҙҙе тиҙерәк табасаҡ.
- Заявканың статусын, шулай уҡ үҙегеҙҙең барлыҡ мөрәжәғәтегеҙҙе ҡарарға мөмкин.
- Туристик төркөмдө теркәргә була - был хәүефһеҙлек һәм кәрәк саҡта ваҡытында квалификациялы ярҙам алыу өсөн мотлаҡ.
- Әгәр төбәктә интернетҡа инеү йәки хәл-ваҡиға булған ерҙә теркәлеү мөмкин булмаһа, мөрәжәғәтегеҙ геомәғлүмәт, исем-шәрифегеҙ менән, хәл-ваҡиғаны һүрәтләгән смс-хәбәр рәүешендә тапшырыла.
- Өҫтәүенә, ҡушымтала Башҡортостандың Ғәҙәттән тыш хәлдәр буйынса дәүләт комитеты яңылыҡтары һәм мөһим мәғлүмәттәре менән танышырға мөмкин.

#Аңлатабыҙ_Башҡортостан