Районға прокурор тәғәйенләнде

Рәсәй Генераль прокуроры бойороғо менән юстиция советнигы Рәвил Ғилманов Салауат районы прокуроры вазифаһына тәғәйенләнде.

Ул былтыр бер йыл элек беҙҙең районға прокурор вазифаһын башҡарыусы итеп ҡуйылғайны. Рәвил Ринат улы – Күгәрсен районының Мораҡ ауылынан. 2002 йылда Башҡорт дәүләт университетын тамамлаған. БР Прокуратураһында, Өфөнөң Дим, Октябрь райондары прокуратураларында эшләгән. Учалы район-ара прокуратураһында өлкән прокурор, прокурор урынбаҫары вазифаларын үтәгән.