Алты йәшлек бала – руль артында

Татарстанда күп балалы әсә алты йәшлек улын руль артына ултыртҡан. Был хәлде ул видеоға төшөрөп, социаль селтәрҙәргә һалған. Бынан тыш, ул автомобилде сәғәтенә 130 километр менән ҡыуған- Нисек теләйем, шулай йәшәйем. Һеҙҙең фекерегеҙ миңә кәрәкмәй. Минең тормошомдо йәшәмәй, хөкөм итергә хаҡығыҙ юҡ, - тип яҙа ҡатын.Быға тиклем дә ҡатын бәхәсле ваҡиғаға эләккән булған. Быйыл яҙ ул руль артына балаһы менән ултырып, машина менән идара иткән. Был ҡылығы өсөн ҡатынға бер-нисә мең һум штраф һалынған.