Кисә Малаяҙ ауылында мәсет эргәһендәге юлда йәнә авария теркәлде. ЮХХДИ хеҙмәткәрҙәре белдереүенсә, газ баллондары тейәгән “УАЗ” йөк машинаһын шәп тиҙлек менән килгән “ДЭУ-Нексия” автомобиле арттан төкөгән. Бәхеткә күрә,ҡаты бәрелеүҙән газ баллондары шартламаған. Еңел машинаның водителе (Малаяҙ ауылынан) эскән килеш руль артына ултырған булған. Ул йәрәхәтләнеп, дауаханаға оҙатылған.