Телебеҙҙе һаҡлау һәм үҫтереү мәсьәләләре ҡаралды

Башҡорт теле һәм әҙәбиәте уҡытыусыларының I Бөтә Рәсәй съезында күтәрелгән проблемаларҙы урындарға алып барып еткереү, улар буйынса фекер алышыу һәм съезд резолюцияһына тәҡдимдәр ҡабул итеү буйынса Башҡортостанда һәм башҡорттар күпләп йәшәгән Рәсәй төбәктәрендә конференциялар үткәреү ҡаралған. Ошондай төбәк-ара конференция Мәсәғүт ауылында ла үтте.

Башҡорт теле һәм әҙәбиәте уҡытыусыларының I Бөтә Рәсәй съезында күтәрелгән проблемаларҙы урындарға алып барып еткереү, улар буйынса фекер алышыу һәм съезд резолюцияһына тәҡдимдәр ҡабул итеү буйынса Башҡортостанда һәм башҡорттар күпләп йәшәгән Рәсәй төбәктәрендә конференциялар үткәреү ҡаралған.

Ошондай төбәк-ара конференция Мәсәғүт ауылында ла үтте. Төньяҡ-көнсығыштағы биш райондың башҡорт теле һәм әҙәбиәте уҡытыусылары һәм башҡорт ҡоролтайҙары вәкилдәре ҡатнашлығындағы йыйындың тәүге өлөшө Дыуан республика лицей-интернатында секциялар рәүешендә башланды. Беренсе секция эшендә ҡатнашыусылар милли мәктәптәрҙә башҡорт телен һәм әҙәбиәтен уҡытыу проблемаларын барланы, икенсе секцияла рус мәктәптәрендә башҡорт телен туған һәм дәүләт теле булараҡ өйрәнеүҙәге технологиялар ҡаралды. Балалар баҡсаларында туған телдә тәрбиәләү мәсьәләләрен өсөнсө секция өйрәнде. Ата-әсәләр менән эшләү тәжрибәһе һәм өҫтөнлөклө алымдары тураһында мәсьәләне айырым секцияла райондарҙың ата-әсәләр комитеттары вәкилдәре тикшерҙе. Һәр секция үҙенең эш һөҙөмтәләренән һығымталарҙы пленар ултырышта конференцияла ҡатнашыусыларға еткерҙе һәм съезд резолюцияларына тәҡдимдәр индерҙе. Пленар ултырышта Ишембай районынан килгән делегацияның үҙ тәжрибәһенә нигеҙләнгән төплө һәм ялҡынлы сығышы залда ултырыусыларҙың береһен дә битараф ҡалдырманы. Башҡорт телен һаҡлау һәм үҫтереү юҫығында артабан эшләүҙең отошло алымдары хаҡында күп һорауҙарға яуап алдылар, оптимистик ҡеүәт һәм энергия рухы менән һуғарылды зал.

Пленар ултырышты алып барыусы Бөтә донъя башҡорттары ҡоролтайының Башҡарма комитеты ағзаһы Рәйсә Күзбәкова V Бөтә донъя ҡоролтайына әҙерлек барышы һәм Башҡорт халҡының үҫеш стратегияһы тураһында доклад менән сығыш яһаны. БР Мәғариф министрлығы вәкиле Гөлназ Усманова Башҡорт теле һәм әҙәбиәте уҡытыусыларының I Бөтә Рәсәй съезында күтәрелгән проблемалар һәм уның резолюциялар проекты менән таныштырҙы. БР Мәғарифты үҫтереү институты хеҙмәткәре Мәрхәбә Дәүләтшина республикала милли мәғарифты үҫтереү концепцияһын эшләү йүнәлешендә башҡарылған хеҙмәттәр һәм киләсәккә бурыстар тураһында бәйән итте. Республика ата-әсәләр комиссияһы рәйесе Эльвира Байназарова урындарҙа ойоштороласаҡ ата-әсәләр комиссиялары алдында торған бурыстарға иғтибарҙы йүнәлтте. Билдәле йәмәғәт эшмәкәре, «Тормош һабаҡтары» дәреслектәре авторы, ветеран-педагог Мәрйәм Бураҡаеваның һәр ваҡыттағыса тос һүҙле сығышы конференцияның бәҫен күтәрҙе, йәм һәм ғәм өҫтәне, рух күтәренкелеге бирҙе.

«Беҙҙең бурыс – тормошобоҙҙағы, фәндәге, уҡытыу алымдарындағы үҙгәрештәрҙе бөгөнгө күҙлектән сығып баһаларға, телде һаҡлау һәм үҫтереү өсөн нимә эшләй алыуыбыҙ тураһында уйларға кәрәк»
(Р.Хәбировтың Башҡорт теле һәм әҙәбиәте уҡытыусыларының I Бөтә Рәсәй съезындағы сығышынан).

Көнһылыу Ғәлиева,

район башҡорттары ҡоролтайы рәйесе.

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Регистрационный номер и дата принятия решения о регистрации: ПИ № ТУ02-01671 от 27 мая 2019 г.

Телефон

8(34777) 2-13-95

Электрон почта

[email protected]

Адресы

452490, Республика Башкортостан,Салаватский район, с. Малояз, ул. Коммунистическая, 56.

Реклама хеҙмәте

8(34777) 2-05-86

Редакция

8(34777) 2-13-95

Ҡабул итеү бүлмәһе

8(34777) 2-13-95

Хеҙмәттәшлек

8(34777) 2-13-95

Кадрҙар бүлеге

8 (34777) 2-08-10