Аллаһ йорто – ауыл ҡото

Ниһайәт, Торналы ауылында ла Аллаһ йорто ҡалҡып сыҡты.

Әгәр ауыл халҡы мәсеттәргә йөрөй, йомаларҙа, дини байрамдарҙа ихлас ҡатнаша икән, был – кешеләрҙең иманға ҡайтыу билдәһе. Ниһайәт, Торналы ауылында ла Аллаһ йорто ҡалҡып сыҡты.

Ауылда мәсет булдырыу ниәте менән дин әһелдәре Адик Исмәғилев, Рафаэль Рахманғолов сығып, халыҡты берләштереп, изге эшкә йәлеп итте.

Ауылға йәм өҫтәгән Аллаһ йорто табип амбулаторияһы бинаһы эргәһендә төҙөлдө. Торналылар дәррәү аҡса йыйып, ҡыҫҡа ваҡыт эсендә бергәләп мәсетте эшләп тә ҡуйҙы. Был эштә уларға “Янғантау” шифаханаһы, район Хакимиәте лә ярҙам иткән. Заманса йыһазландырылған мәсеттә бар шарттар ҙа булдырылған.

Иман йортон асыу тантанаһында район башлығы Марс Кашапов, Рәсәй Федерацияһы Дәүләт Думаһы депутаты Илдар Бикбаев, Башҡортостан Мосолмандары диниә назаратының элекке рәйесе Нурмөхәмәт хәҙрәт Ниғмәтуллин, райондың имам-мөхтәсибе Мөҙәрис Фәрхиев “Янғантау” шифаханаһы директоры Альфред Аҡбашев, Дыуан, Ҡыйғы, Мәсетле һәм Салауат райондарының дин әһелдәре, ауыл халҡы ҡатнашты. Улар, бер-бер артлы телмәр тотоп, мәсеткә бүләктәр тапшырҙы.

Мәсет асылыуына халыҡтың ҡыуанысы сикһеҙ. Йома намаҙҙары, дини байрамдар, исем ҡуштырыу, никах уҡыу йолалары изге йортта башҡарыласаҡ. Шулай уҡ унда ғәрәп теле дәрестәре лә алып барыласаҡ. Яңы эш башлаған мәсет халыҡҡа дини ғилем таратасаҡ, йәш быуынға әхлаҡи тәрбиә биреүгә булышлыҡ итәсәк.

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Регистрационный номер и дата принятия решения о регистрации: ПИ № ТУ02-01671 от 27 мая 2019 г.

Телефон

8(34777) 2-13-95

Электрон почта

[email protected]

Адресы

452490, Республика Башкортостан,Салаватский район, с. Малояз, ул. Коммунистическая, 56.

Реклама хеҙмәте

8(34777) 2-05-86

Редакция

8(34777) 2-13-95

Ҡабул итеү бүлмәһе

8(34777) 2-13-95

Хеҙмәттәшлек

8(34777) 2-13-95

Кадрҙар бүлеге

8 (34777) 2-08-10