Бөтә Рәсәй «Икенсе старт»ында Күмертауҙан Иван Барышев сығыш яһай

«Һөнәре буйынса иң яҡшыһы» бөтә Рәсәй конкурсының төбәк этабының «Икенсе старт» номинацияһында еңеүселәрҙе һәм призерҙарҙы эксперт комиссияһы билдәләне. Күмертауҙан Иван Барышев еңеүсе булды.

Иван Барышев Советтар Союзы Геройы Константин Оргин исемендәге 10-сы мәктәптә физкультура уҡытыусыһы булып эшләй. Ул кадет ротаһы кураторы, «Гефест» хәрби-патриотик үҙәге тренеры. Армияла хеҙмәт итеп, педагогия колледжында уҡыған. Хәрби хеҙмәткә контракт төҙөп, 2022 йылда МХО-ға китә, кире ҡайтҡас, мәктәптә эшләй башлай, тип яҙа «Республика Башкортостан» гәзите.

Икенсе урын – Мәләүездән шәхси эшҡыуар Артем Кудрявцевта. Махсус операцияла ҡатнашҡандан һуң Артем үҙ эшен асҡан, ул 3D-баҫма менән шөғөлләнә. Өсөнсө урынды Өфөнөң Янғын һағы идаралығының янғын һүндереү автомобиле водителе Дамир Хәбибуллин яуланы. Еңеүсегә – 40 мең һумлыҡ, призерҙарға 24 һәм 12 мең һумлыҡ сертификат тапшырылды.

Иван Барышев октябрҙә Һамарҙа Бөтә Рәсәй конкурсы финалында Башҡортостан исеменән сығыш яһай. Бүләкләү тантанаһы Мәскәүҙең Кремль һарайында була: иң яҡшыларҙы 300 меңдән алып 1 миллион һумға тиклем бүләктәр көтә.

Фото: Башҡортостандың Ғаилә, хеҙмәт һәм халыҡты социаль яҡлау министрлығы.

Автор:Айдар Нугаманов

Читайте нас

Об использовании персональных данных

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Регистрационный номер и дата принятия решения о регистрации: ПИ № ТУ02-01671 от 27 мая 2019 г.

Телефон

8(34777) 2-13-95

Эл. почта

iyryzan@mail.ru

Адрес

452490, Республика Башкортостан,Салаватский район, с. Малояз, ул. Коммунистическая, 56.

Рекламная служба

8(34777) 2-05-86

Редакция

8(34777) 2-13-95

Приемная

8(34777) 2-13-95

Сотрудничество

8(34777) 2-13-95

Отдел кадров

8 (34777) 2-08-10