Республикала оло йәштәгеләр өсөн интернаттар социаль йорттар тип үҙгәртелде

Башҡортостанда хөкүмәт бойороғо менән оло йәштәгеләр һәм инвалидтар өсөн стационар учреждениелар хәҙер социаль йорттар тип атала. Был хаҡта республиканың ғаилә, хеҙмәт һәм халыҡты социаль яҡлау министры Ленара Иванова хәбәр итте.

«Хәҙер йән өшөткөс «психоневрологик интернат», «ПНИ» йәки «йорт-интернат» һүҙҙәре урынына ҡулланылышта социаль хеҙмәтләндереү йорттары йәки социаль йорттар, өҫтәүенә, уларҙың исемдәре бар («Доверие», «Самоцветы» һ.б.)», – тип билдәләне министр.

Шулай уҡ Ленара Иванова ике стационарҙың дәүләт автономиялы учреждениелары булыуын өҫтәне.

Бынан алда Рәсәй хөкүмәтендә ҡарттар хаҡында хәстәрлек күреү мәсьәләһе тикшерелде.

https://www.bashinform.ru/news/social/2026-02-05/v-bashkirii-internaty-dlya-pozhilyh-pereimenovali-v-sotsialnye-doma-4565849