ФАС үҫмерҙәр өсөн алыҫ араға йөрөүсе поездарға билеттарға ташлама индерә

Был хаҡта ведомствоның матбуғат хеҙмәтендә хәбәр иттеләр, тип яҙа "Молодежная газета" баҫмаһы.

ФАС-та аңлатыуҙарынса, Хөкүмәт ҡушыуы буйынса тейешле бойороҡ проекттары әҙерләнгән. Документтарға ярашлы, ташлама уҡыу төрөнә һәм уҡыу йортонан белешмә биреү кәрәклегенә ҡарамаҫтан, ошо йәш категорияһындағы бөтә балалар өсөн ғәмәлдә буласаҡ. Поезға ултырғанда берҙән-бер мотлаҡ документ шәхес танытмаһы - тыуыу тураһында таныҡлыҡ йәки паспорт.

Әлеге ваҡытта биш йәшкә тиклемге балалар, әгәр айырым урын биләмәһә, бушлай йөрөй ала. 10 йәштән кесерәк пассажирҙар өсөн балалар тарифы ҡаралған, ул вагон тибына һәм поездың класына бәйле өлкәндәр билеты хаҡының 35 проценттан 70 процентҡа тиклем үҙгәрә.

Монополияға ҡаршы орган фекеренсә, яңы ташламалар системаһын индереү балалар һәм үҫмерҙәр өсөн сәйәхәт итеү мөмкинлеген арттырасаҡ, шулай уҡ ғаиләләргә ярҙам буласаҡ, уларҙың финанс хәлен яҡшыртасаҡ.

Бынан алда, 19 февралдә, Транспорт министрлығында Дәүләт Думаһының яңы йыл байрамдары осоронда алыҫ араға йөрөүсе поездарҙа студенттар өсөн өҫтәмә льготалар индереү тураһындағы башланғысын хупланылар. Әммә ведомство билдәләнгән хаҡтарҙы ҡуйыуға ҡаршы сыҡты, сөнки был пассажирҙарҙы ташыусылар өсөн байтаҡ финанс юғалтыуҙарға килтереүе ихтимал.

Фото: "Молодежная газета".