"Ватанды һаҡлаусылар" фонды филиалы инвалид МХО ветерандарына ярҙам күрһәтә

Социаль координаторҙар мохтаждарҙы асыҡлай. Торлаҡты яраҡлаштырыу инвалидтың һәм уның ғаилә ағзаларының – милекселәрҙең йәки фатирҙы ҡуртымға алыусыларҙың ризалығы менән генә үткәрелә.

Ғаризаны алғандан һуң социаль координатор МХО-ла ҡатнашыусыға инвалидлыҡ юллауға кәрәкле документтар пакетын йыйырға һәм "Ватанды һаҡлаусылар" фонды филиалына ҡараған МХО инвалидтарының торлаҡтарын тикшереү буйынса муниципаль ведомство-ара комиссияға ғариза бирергә ярҙам итә.

Был нисек үтә? 

Фонд филиалы етәксеһе урынбаҫары, эксперт һәм социаль координаторҙан торған махсус комиссия МХО инвалидтарына бара, тейешле тикшереүҙәр үткәрә һәм нозологиялар буйынса чек-биттәр тултыра. 

Мәғлүмәттәр Бөтә Рәсәй инвалидтар йәмғиәтенең Инвалидтар проблемаларын өйрәнеү үҙәгенә ебәрелә. Унда акт төҙөйҙәр, уны фондтың филиалына кире ҡайтаралар. Актты мотлаҡ тикшерәләр һәм торлаҡ яраҡлаштырылған муниципалитет хакимиәтенә ебәрәләр.

Яҡтар актҡа ҡул ҡуя һәм уны инвалидлыҡ буйынса хәрби хәрәкәттәр ветеранының документтар пакеты менән "Ватанды һаҡлаусылар" фондының Эксперт советына ебәрә. Ыңғай ҡарар ҡабул ителгәндән һуң яугиргә үлсәүселәр сыға.

Һуңғы этап – реабилитация сараларын ҡуйыу.

Фондтың республика филиалының эше тураһында тулыраҡ бында: https://vk.com/public220653548 

«Ватанды һаҡлаусылар» фондының Башҡортостандағы филиалы Өфө ҡалаһы, Минһажев урамы, 107 адресы буйынса урынлашҡан. Эш ваҡыты: иртәнге сәғәт 9.00-ҙан 18.00 сәғәткә тиклем, ялһыҙ.

Алдан консультация алыу өсөн телефон: 8 (347) 268-01-02.

Галина Морозова.