МХО-ла ҡатнашыусы ғаилә торлаҡ шарттарын яҡшыртыуға сертификат алды

Социаль координаторҙар МХО-ла ҡатнашыусының хәләл ефетенә республикала күрһәтелгән ярҙам саралары буйынса консультация бирҙе – ғаилә улар менән тулыһынса файҙалана. Бынан тыш, яугирҙең хәләл ефете - фонд филиалы ирекмәне социаль координаторҙарға ярҙам итә: иғландар тарата, ярҙам саралары хаҡында һөйләй, уның аша фонд хеҙмәткәрҙәре ауыл халҡы менән бәйләнешкә сыға.

Ғаилә башлығы мобилизацияға тиклем малсы булып эшләгән. Уның тормош иптәшенә социаль координаторҙар Башҡортостан Республикаһының «Ауыл биләмәләрен комплекслы үҫтереү» программаһына инеү өсөн нимә эшләргә кәрәклеген аңлатып, Дүртөйлө районы хакимиәте башлығының ауыл хужалығы мәсьәләләре буйынса урынбаҫары менән осрашыу ойошторҙо. Берлектәге эш һөҙөмтәһе – махсус хәрби операцияла ҡатнашыусы торлаҡ шарттарын яҡшыртыуға сертификат алды. Хәҙер уның ғаиләһе яңы уңайлы йортта өй туйларға ниәтләй.

Иҫегеҙгә төшөрәбеҙ, Башҡортостанда «Ватанды һаҡлаусылар» фонды филиалының 97 социаль координаторы эшләй. Кәрәкле документтарҙы рәсмиләштереүҙә ярҙам итеү, ғәмәлдәге ярҙам сараларын алыу, ә республикала уларҙың һаны 40-тан ашыу, һаулыҡтарын нығытырға, ҡайтанан уҡып сығырға һәм тыныс тормошҡа ҡайтырға булышлыҡ итеү – ошолар социаль координаторҙар хәл иткән бурыстар.

Рәсәй Президенты указы буйынса «Ватанды һаҡлаусылар» махсус хәрби операцияла ҡатнашыусыларға ярҙам дәүләт фонды булдырылды.

Фондтың республика филиалының эше тураһында тулыраҡ бында:  https://vk.com/public220653548 

«Ватанды һаҡлаусылар» фондының Башҡортостандағы филиалы Өфө ҡалаһы, Минһажев урамы, 107 адресы буйынса урынлашҡан. Эш ваҡыты: сәғәт 9.00-ҙан 18.00 сәғәткә тиклем, ялһыҙ.

Алдан консультация алыу өсөн телефон: 8 (347) 268-01-02.

Галина Морозова.

Фото: «Ватанды һаҡлаусылар» фонды филиалы.