"Ватанды һаҡлаусылар" фонды социаль координаторҙары Яңы йыл бүләктәре тапшырҙы

19 айҙа фонд филиалына 33 меңдән ашыу кеше мөрәжәғәт иткән, 83 меңдән ашыу мөрәжәғәт ҡабул ителгән. Шуларҙың 77 меңе хәл ителгән. Ярҙам сараларын тәғәйенләү, махсус хәрби операцияла ҡатнашыуға бәйле федераль һәм төбәк түләүҙәре, юридик һәм медицина ярҙамы, хәрби хәрәкәттәр ветераны танытмаһын алыу төп мәсьәләләр булып ҡала.

Яңы йыл алдынан "Ватанды һаҡлаусылар" фондының республика филиалының социаль координаторҙары һәләк булған хәрбиҙәрҙең ғаиләләренә барҙы һәм уларға Яңы йыл табынына бүләктәр - консервалар, колбасалар, ярмалар тапшырҙы. Был йыйылмаларҙы фондтың бөтә Башҡортостан буйынса оҙатыуында булған ғаиләләр алды. "Ватанды һаҡлаусылар" фонды филиалына партнерҙар һәм республика муниципалитеттары хакимиәттәре ҙур ярҙам күрһәтте. Фонд ҡарамағындағыларҙың күбеһе әйтеүенсә, бүләк көтөлмәгән бүләк булды һәм байрам өҫтәленә ярҙам булды.

Ә 27 декабрҙә "Ватанды һаҡлаусылар" фондының Башҡортостандағы филиалының социаль координаторҙары иһә махсус хәрби операцияла ҡатнашыусыларҙың өс йөҙ балаһы өсөн Ҡыш бабайҙар,Ҡарһылыуҙар буласаҡ. Балаларҙы Башҡорт дәүләт ҡурсаҡ театрына Яңы йыл тамашаһына саҡырҙылар. Уларҙы шыршы эргәһендә әйлән-бәйлән һәм "Аҡ сысҡандарҙың мажаралары" спектакль-әкиәте көтә.

Балалар бөтә республиканан киләсәк. Уларҙы килтереүҙе муниципалитет хакимиәттәре тәьмин итә.

Фондтың республика филиалының эше тураһында тулыраҡ бында: https://vk.com/public220653548 

"Ватанды һаҡлаусылар" фондының Башҡортостандағы филиалы Өфө ҡалаһы, Минһажев урамы, 107 адресы буйынса урынлашҡан. Эш ваҡыты: 9.00-ҙан 18.00 сәғәткә тиклем, ялһыҙ.

Алдан консультация алыу өсөн телефон: 8 (347) 268-01-02.

Әлфиә Батырова.

Фото: "Ватанды һаҡлаусылар" фонды филиалы.