Салауат Юлаев өсөн тауыш бир!

29 ноябрҙән 12 декабргә тиклем Рәсәй банкы сайтында яңы 1000 һумлыҡ аҡсала барлыҡҡа киләсәк символдар өсөн тауыш биреү ойошторола.

Дәғүәселәр исемлегендә - Волга буйы федераль округы төбәктәренән 25 объект. Улар араһында Өфөләге Салауат Юлаев һәйкәле лә бар, ул купюраның төп символдарының береһе була ала, тип хәбәр итә "Молодежная газета".

Теләгән һәр кем яңы аҡсала күрһәтелергә тейеш бер объектты һайлай ала. Иң күп тауыш йыйған объекттар күп планлы композицияның бер өлөшө буласаҡ. Уны Рәсәй банкы рәссамдары Гознак менән берлектә әҙерләй. Һуңғы дизайнды Рәсәй Банкының Директорҙар советы раҫлаясаҡ.

Ошо һылтанма буйынса тауыш бирергә мөмкин.