Бөтә яңылыҡтар
Экология
23 Ноябрь 2021, 11:47

"Геопаркка барып ҡайтҡандай булдыҡ"

“Янғантау”ға үҙенсәлекле экскурсия ниндәй тәьҫораттар ҡалдырҙы?

"Геопаркка барып ҡайтҡандай булдыҡ"
"Геопаркка барып ҡайтҡандай булдыҡ"

"Геопаркка барып ҡайтҡандай булдыҡ"

Башҡортостандың ЮНЕСКО эштәре буйынса комитеты һәм ЮНЕСКО-ның «Янғантау» глобаль геопаркы «Янғантау» геопаркы тураһында мәғлүмәтле лекциялар үткәрҙе.

ЮНЕСКО-ның ассоциялаштырылған мәктәптәре уҡыусылары өсөн лекцияны биолог, ЮНЕСКО геопаркының «Янғантау» геопаркының эко-белем биреү буйынса белгесе, биология фәндәре кандидаты Полина Полежанкина уҡыны. Геопарктың ниндәй булыуы, уның тәбиғәте һәм мәҙәни мираҫы, иҫтәлекле урындары, «Мәсетле» геологик киҫелеше, Йүрүҙән, Әй йылғалары, мәмерйәләр тураһында һөйләне.

«ЮНЕСКО-ның Башҡортостанда эшмәкәрлеге экологик белем биреүҙе, беҙҙең тәбиғи һәм мәҙәни мираҫыбыҙҙы популярлаштырыуҙы үҙ эсенә ала. Лекцияларҙың йәш быуын араһында шулай ҡыҙыҡһыныу уятыуына бик шатмын", — тине Башҡортостандың ЮНЕСКО эштәре буйынса комитеты башҡарма директоры Элина Ғатауллина.

Республика мәктәптәренән онлайн дәрестә 1400 уҡыусы ҡатнашты.

- "Янғантау" тураһында лекцияны ҙур ҡыҙыҡһыныу менән ҡараныҡ һәм тыңланыҡ. Беҙгә, уҡытыусылар һәм уҡыусылар өсөн, бөгөн бик ҡыҙыҡлы онлайн экскурсия булды, фотоһүрәттәр оҙатыуында геопаркка барып ҡайтҡан һымаҡ булдыҡ. Ошондай мәғлүмәтле сара ойошторғанығыҙ өсөн рәхмәт! — тине Ҡырмыҫҡалы районы Прибельский ауылы урта мәктәбе директоры Рита Хисматуллина.

Салауат районында ЮНЕСКО-ның «Янғантау» геопаркы 20-нән ашыу геологик объектты берләштерә, шуларҙың өсәүһе (Мәсетле киҫелеше, Оло Лука участкаһы, Янғантау тауы) — халыҡ-ара, ун объект - милли һәм 21-е төбәк әһәмиәтенә эйә. Биләмәлә "Ҡыҙыл китап"ҡа ингән үҫемлектәр үҫә, һирәк осрай торған хайуандар йәшәй.

2020 йылда «Янғантау» геопаркы Рәсәйҙә беренсе булып ЮНЕСКО-ның Глобаль геопаркы статусын алды.

Фото: Тәбиғәттән файҙаланыу һәм экология министрлығы.

Автор:Лилия Нуретдинова
Автор:"Башҡортостан"
Читайте нас в