«Тәү сиратта Башҡортостанда өлөшләтә мобилизация сараларының тамамланыуын хәбәр итәм. Рәсәй Генштабы ла хәрби округтарға тейешле күрһәтмәләр ебәргән. Запастағы граждандарҙы хәрби хеҙмәткә саҡырыуға бәйле эштәр туҡтатылды», — тине Радий Хәбиров.
Хәрби комиссариаттарҙың Ҡораллы көстәрҙе комплектлау буйынса эше ирекмәндәрҙе һәм контрактниктарҙы ҡабул итеү иҫәбенә дауам итәсәк, тип билдәләне ул.
Бынан алдараҡ «Башинформ» 1 ноябрҙән республикала көҙгө саҡырылыш башланыуын хәбәр иткәйне. Ул ике ай дауамында 4000 кешене хәрби хеҙмәткә алыу планлаштырыла.