Көндәрҙең ҡапыл һалҡынайтыуы көтөлә

Башҡортостан Ғәҙәттән тыш хәлдәр буйынса дәүләт комитетының матбуғат хеҙмәтенән хәбәр итеүҙәренсә, синоптиктар мәғлүмәтенә ярашлы, 25 сентябрҙән Башҡортостан биләмәһенә арктик һауа килә, температураның түбәнәйеүе көтөлә. Төндә термометр бағанаһы +8, +13°-тан +1, +6°-ҡа тиклем төшә. Урыны менән һауала һәм тупраҡ өҫтөндә 0,-5° тиклем һалҡынайта, ҡырау төшөүе ихтимал. Көндөҙ +5, +10° тиклем генә йылыта, был әлеге күрһәткестәрҙән күпкә һалҡыныраҡ (+11, +16°). Республиканың күпселек райондарында ямғыр яуыуы фаразлана. 28 сентябрҙән 30-ына тиклем төньяҡ һәм таулы райондарҙа епшек ҡар яуыуы мөмкин. 27-30 сентябрҙә уртаса тәүлек температураһы +8°-тан түбән була. Был тулыһынса көҙгө осор башлана тигәнде аңлата.

Көндәрҙең ҡапыл һалҡынайтыуы көтөлә