+28 °С
Облачно
Общие статьи
21 Февраля 2025, 09:58
«Айыҡ водитель» махсус операцияһының башлана
Бөгөн Башҡортостанда «Айыҡ водитель» оператив-иҫкәртеү операцияһы башланды.
«Айыҡ водитель» махсус операцияһының башлана
Рейдтар 24 февралгә тиклем бара. Республиканың дәүләт автоинспекцияһында белдереүҙәренсә, махсус операцияның төп бурысы – эскән килеш транспорт менән идара итеүгә бәйле юл хәрәкәте ҡағиҙәләрен боҙоуҙарҙы иҫкәртеү.
«Был сара барышында водителдәрҙең спиртлы эсемлектәр ҡулланғанмы-юҡмы икәнен асыҡлау өсөн тикшереүҙәр ойошторола. Бөтә водителдәрҙе лә юл хәрәкәте ҡағиҙәләрен боҙмаҫҡа саҡырам, сөнки бындай сәфәрҙең эҙемтәләре бик ҡыҙғаныс булыуы ихтимал», — тип билдәләне ведомство етәксеһе Владимир Севастьянов.
Дәүләт автоинспекцияһы статистикаһы буйынса, 2024 йылда һәр дүртенсе үлемесле юл-транспорт ваҡиғаһы иҫерек водителдәр ҡатнашлығында була. Улар юл хәрәкәтендә ҡатнашыусылар өсөн ҙур хәүеф тыуҙыра.
