COVID-19 менән ауырыусылар арта

Башҡортостан Һаулыҡ һаҡлау министрлығының 27 октябргә мәғлүмәттәренә ярашлы, һуңғы түлектә республикала коронавирус инфекцияһын йоҡтороуҙың 91 осрағы теркәлгән. Был кисәгегә ҡарағанда биш кешегә күберәк. Пандемия башланғандан алып бөтәһе 373 806 кеше сирләгән.

Әлеге ваҡытта 103 пациент стационарҙа дауалана (шул иҫәптән 60-ты үткән 62 кеше). Ә 1039 кеше өйҙә мәкерле сир менән көрәшә (516-һы – 60+).

Бөтәһе 366 554 кеше һауығып сыҡҡан, уларҙың 79-ы – һуңғы тәүлектә.