Күп функциялы үҙәк документтарҙы урындарға сығып рәсмиләштереү һәм алып барып биреү буйынса хеҙмәт күрһәтә башлай

 Хеҙмәт Өфө ҡалаһы буйынса эшләйәсәк. «Күсмә хеҙмәтләндереү сиктәрендә Күп функциялы үҙәк белгесе күрһәтелгән ваҡытҡа тәғәйенләнгән урынға килеп, билдәләнгән регламент буйынса документтар ҡабул итә йәки тапшыра», - тип  билдәләне Башҡортостандың Күп функциялы үҙәге директоры Наталья Куприянова.

Урындарға сығыу өс хеҙмәттәр  буйынса бойомға ашырыла:

1. Күсемһеҙ милектең дәүләт кадастр иҫәбе йәки күсемһеҙ милеккә хоҡуҡтарҙы дәүләт теркәүе (шул иҫәптән эштең әҙер һөҙөмтәһен килтереү мөмкинлеге тормошҡа ашырылған);
2. Юридик шәхестәрҙе, физик шәхестәрҙе шәхси эшҡыуар һәм крәҫтиән (фермер) хужалыҡтары сифатында дәүләт теркәүе (шул иҫәптән әҙер эш һөҙөмтәһен килтереү мөмкинлеге тормошҡа ашырылды);
3. Техник паспорттар, капиталь төҙөлөш объекттарының техник пландарын, инженер инфраструктураһын һәм тышҡы төҙөкләндереүҙе әҙерләүгә заявкалар ҡабул итеү. Хеҙмәттән файҙаланыу мөмкинлеге халыҡ өсөн дә, бизнес өсөн дә бар. Хеҙмәтте рәсмиләштерергә йәки түләүҙең күләмен, шулай уҡ бушлай хеҙмәтләндереүгә хоҡуҡлы кешеләрҙең исемлеген Күп функциялы үҙәк белгестәрендә, бәйләнеш үҙәгенең 7-347-246-55-33, 7-927-33-33-10 телефондары буйынса, рәсми сайтта алырға мөмкин.