+30 °С
Болотло
Общие статьи
28 Октябрь 2022, 04:43
Республика етәксеһе ЛДНР-ға эшкә күсеүе тураһында имеш-мимештәргә аңлатма бирҙе
Тура бәйләнеш барышында Башҡортостан Башлығы Радий Хәбиров тиҙҙән үҙенең отставкаға сығып, эшен алмаштырыу, ЛДНР-ға етәксе вазифаһына күсеү ихтималлығы тураһында һорауға яуап бирҙе. Һеҙгә ошондай тәҡдимдәр булдымы, тип ҡыҙыҡһынды «Коммерсант-Өфө» журналисы Булат Бәширов республика етәксеһенән.
Республика етәксеһе ЛДНР-ға эшкә күсеүе тураһында имеш-мимештәргә аңлатма бирҙе
— Был һорауға яуап биргәйнем инде, шуға бер ниндәй ҙә яңылыҡ әйтә алмайым — мин үҙ эшемә хеҙмәткә ҡараған кеүек ҡарайым, ул «дәүләт хеҙмәте» тип атала. Дәүләт хеҙмәте сиктәрендә, әгәр икенсе эш менән шөғөлләнергә ҡушһалар, мин шуның менән шөғөлләнермен. Мин һайлап ҡуйылған етәксе, ҡайҙалыр китәм, тип ҡысҡырып йөрөү килешмәй. Сөнки халыҡтың күпмелер өлөшө миңә ышаныс белдерҙе, күпмелер өлөшө республиканың үҫешен минең менән бәйләй. Был минең өсөн бик мөһим. Бойороҡ булһа, шинель кейербеҙ, ҡайҙа ҡушһалар, шунда барырбыҙ. Әлегә республика башлығы булып эшләйем һәм бер ҡайҙа ла китергә йыйынмайым, — тине Радий Хәбиров.
