Тикшереү барышында райондың 16 ауыл биләмәһендә алдан ҡоролған ҡаты коммуналь ҡалдыҡтар майҙансыҡтары закон талаптарына тап килмәүе асыҡланды. Уларҙа бетон йәки асфальт нигеҙ, автотранспорт өсөн кереү юлы һалынмаған, барыһы ла кәртәләнмәгән булып сыҡты. Был хәл, экологияға зыян килтереп, граждандарҙың имен тирә-яҡ мөхит хоҡуғына ҡағыла.
Прокуратура райондың барлыҡ урындағы хакимиәт башлыҡтарына етешһеҙлектәрҙе бөтөрөүгә күрһәтмә бирҙе. Әммә улар, финанс мөмкинлектәре булмау сәбәпле, тейешле сара күрмәне. Прокуратура, халыҡтың хоҡуғын яҡлап, ауыл биләмәләренән ҡаты коммуналь ҡалдыҡтар майҙансығын төҙөтөүҙе талап итеүҙе һорап, Салауат район-ара судына 16 административ дәғүә ғаризаһы ебәрҙе.
Суд административ дәғүә ғаризаларын ҡараны һәм ҡәнәғәтләндерҙе. Етешһеҙлектәрҙе тулыһынса бөтөрөү прокуратура контролендә.
Рәвил ҒИЛМАНОВ,
район прокуроры.