Дауаханаларға яңы тренажёрҙар алына

Республикабыҙҙың дауаханаларына хәрәкәт аппараттары алына башланы. Улар аяҡ-ҡулдары тәрән йәрәхәт алған балалар өсөн тәғәйенләнгән. Был аппарат быуындарҙы яҡшыртырға, уның хәрәкәтләнеүен тергеҙергә ярҙам итә. Яңы тренажерҙарҙа балалар ҙа, шулай уҡ өлкәндәр ҙә шөғөлләнә ала.Бындай ҡоролмалар менән йыһазландырыу «Һаулыҡ һаҡлау» милли проектының «Балаларға медицина ярҙамы күрһәтеүҙә хәҙерге заман инфраструктураһын булдырыуҙы үҙ эсенә алған балалар һаулығын үҫтереү» проект бүлексәһе сиктәрендә башҡарыла. Оҙаҡламай 11 медицина учреждениеһы ошондай тренажерлы буласаҡ.#национальныепроекты; #нацпроекты; #региональныепроекты; #регпроекты; #нацпроектыБашкортостан