24 июлдә «Уҡыусылар өсөн мәҙәниәт» проекты сиктәрендә йыл һайын үткәрелеүсе «Мәҙәни шәмбе" Рәсәй халыҡтары уйындары - балаларға» күргәҙмәһе асылды

 Уйындар  һәр халыҡтың  мәҙәниәтендә үҙенәлектәре менән айырылып тора һәм көндәлек тормоштоң айырылғыһыҙ өлөшө, шулай уҡ байрам сараларының мотлаҡ элементы булып тора. Халыҡ уйындары ярҙамында балалар ваҡытты күңелле үткәреү генә түгел, ә етеҙлеккә  һәм ҡыйыулыҡҡа ла өйрәнә.

24-30 июлдә уҡыусылар Рәсәйҙең төрлө төбәктәренең: Донецк Халыҡ Республикаһының, Мордовия Республикаһының, Карелия Республикаһының, Ҡарасәй-Черкес Республикаһының, Чукотка автономиялы округының, Воронеж һәм Вологда өлкәләренең боронғо уйындары менән танышасаҡ, шулай уҡ акцияға ҡушыла аласаҡтар. Акцияла ҡатнашыу өсөн төбәктең традицион уйындары менән үҙ видеоролик төшөрөргә, уны «Бәйләнештә» социаль селтәрендәге сәхифәһендә һалырға һәм #игрыкдш хештегын ҡуйырға кәрәк. Бөтә эштәрҙе лә халыҡ мәҙәниәте өлкәһендә Рәсәйҙең билдәле эшмәкәрҙәренән торған эксперт комиссияһы баһалаясаҡ һәм иң яҡшы 30 роликты һайлаясаҡ. Улар «Мәҙәниәт мәктәбе уҡыусылары өсөн.РФ» порталында урынлаштырыласаҡ.