МӘСЕТЛЕЛӘР КҮҢЕЛЛЕ ЯЛ ИТӘ

Мәсетле ауылында ҡышҡы каникулдар бик күңелле үтә. Ауыл клубында көн һайын ҡыҙыҡлы саралар, уйындар, дискотекалар, кисәләр уҙғарыла. Клубҡа йыйылған балалар ҙа, ололар ҙа, йәштәр ҙә ваҡыттарын файҙалы үткәреп, рәхәтләнеп күңел аса.Шул көндәрҙә клубтың художество етәксеһе Гөлфиә Камалова кескәй дуҫтар өсөн " Ҡыш бабайҙан күңелле уйындар " тип аталған байрам үткәрҙе. Балалар шаярып-көлөп, төрлө ҡыҙыҡлы уйындарҙа ҡатнашып, ял итте.