BALALAR проектының тәүге йәнһүрәте сыҡты!

BALALAR проектының тәүге йәнһүрәте сыҡты! “Балалар” интернет-проекты буйынса башҡорт телендә 5 йәнһүрәт донъя күрәсәк. Тәүге йәнһүрәт сыҡты, уны бөгөн үк ҡарарға була.Ул балаларҙы төҫтәр, һандар, башҡорт телендәге хәрефтәр менән таныштыра. Проекттың төп геройҙары – Бесәй, Бүре, Айыу һәм Төлкө.“Балалар” проекты 3,5 миллион һум күләмендә дәүләт һәм республика халыҡтары телдәрен һаҡлау һәм үҫтереү буйынса Башҡортостан Башлығы грантын алған. Порталда башҡорт телендә интерактив уйындар һәм әкиәттәр, йәнһүрәттәр, уйынсыҡтар етештереүселәр менән хеҙмәттәшлек майҙансыҡтары, шулай уҡ ата-әсәләр өсөн онлайн-форумдар булдырыу ҡарала.