Йәш техниктар станцияһында

Йәш техниктар станцияһы – балаларға өҫтәмә белем биреү учреждениеһы. Бында балалар техник йүнәлештә өҫтәмә белем ала. Салауат районы мәғариф бүлеге эргәһендә Йәш техниктар станцияһы 1995 йылдан алып эшләп килә. Бөгөн уның етәксеһе Юлай Ғәли улы Нурыев, методисы Лилиә Кәрим ҡыҙы Ғәниева балаларҙың занятиелары ҡыҙыҡлы ла, мауыҡтырғыста булһын өсөн күп көс түгә. Балалар үҙҙәренең талантын, оҫталығын асһын өсөн бар уңайлыҡтар ҙа тыуҙырылған. Станцияның белем биреү системаһындағы ҡиммәте – сәләмәт йәшәү рәүешен формалаштырыу, шәхестең үҫешен тәьмин итеү, шулай уҡ уҡыу-тәрбиә процессын яҡлау, камиллаштырыу.

Районда эшләп килгән Йәш техниктар станцияһы дүрт йүнәлеш буйынса эшләй. Информатика, программирование йүнәлеше буйынса “Минең компьютерым” түңәрәген Ринат Мирхәйҙәров етәкләй. Балалар был түңәрәккә бик теләп йөрөй. Ринат Риф улы улар өсөн ҡыҙыҡлы дәрестәр үткәрә, шулай уҡ уҡыусылар өйгә эштәрен дә бында эшләп ҡайта ала. Художестволы-эстетик йүнәлештәге белемде Гөлнара Ғәлимова бирә. Гөлнара Батыр ҡыҙы ярҙамы менән балалар һүрәт төшөрөргә, бәйләргә, ағастан эшләнгән һауыт-һаба тышына һүрәт эшләргә (роспись по дереву), оригами, сәйлән теҙеүгә өйрәнә. Ағасты художестволы эшкәртеү түңәрәгендә ағастан һырлап төрлө өй кәрәк-яраҡтарын, сувенир продукцияһын эшләргә өйрәтеүгә үҙ эшенең оҫтаһы Эдуард Йәдҡәр улы Сафин бар тырышлығын һала. “Автомоделдар” эшләү түңәрәгенә балалар запас частарҙан төрлө веломобилдәр эшләй. Түңәрәкте Имиль Вил улы Аллабирҙин алып бара. Бынан тыш, “Хәүефһеҙ тәгәрмәс” түңәрәге лә эшләп килә. Балалар юл хәрәкәте ҡағиҙәләрен, велосипедтарҙың техник төҙөлөшөн өйрәнеп, конкурстарҙа ҡатнаша. Киләсәктә робототехника түңәрәген асыуҙы ла планлаштыралар.

Ғөмүмән, һәр бала күңеленә хуш килерлек шөғөл бында таба ала. Йәш техниктар станцияһы ишеге һәр береһенә асыҡ.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Регистрационный номер и дата принятия решения о регистрации: ПИ № ТУ02-01671 от 27 мая 2019 г.

Телефон

8(34777) 2-13-95

Электрон почта

[email protected]

Адресы

452490, Республика Башкортостан,Салаватский район, с. Малояз, ул. Коммунистическая, 56.

Реклама хеҙмәте

8(34777) 2-05-86

Редакция

8(34777) 2-13-95

Ҡабул итеү бүлмәһе

8(34777) 2-13-95

Хеҙмәттәшлек

8(34777) 2-13-95

Кадрҙар бүлеге

8 (34777) 2-08-10