Һигеҙ кешелә - "омикрон"

– “Омикрон”ды алып ҡайтҡан биш кеше Истамбулдан килгән самолетта ултырған, шунда уҡ Танзаниянан ике кеше осҡан. Был рейстең 145 пассажиры тикшерелгән. Шул кешеләрҙең һигеҙе ике аҙналыҡ үҙ ҡурсаланыу тәртибен үтәүҙән баш тарта, эпидемияға ҡаршы сараларҙы үтәмәгән өсөн уларға яуап бирергә тура киләсәк, – тине ул.

Етәксе белдереүенсә, “омикрон” менән сирләгәндәрҙең бөтәһе лә йәштәр, Танзаниянан килгәндәренән башҡалары привика яһатҡан булған. Сир уларҙа еңел үтә. 

“Вакцина яһатҡан кешеләр инфекцияны еңел үткәрә. Беҙ әле хәлде контролдә тотабыҙ. “Омикрон” менән сирләгәндәр ҡапыл ныҡ арта башлаһа, тейешле тәҡдимдәребеҙҙе индерәсәкбеҙ”, – тине Анна Казак.

Шулай уҡ “Роспотребнадзор” башлыҡы әйтеүенсә, республикала киҙеү менән сирләгәндәр артҡан. Шулай уҡ ОРВИ-ла күбәйгән. Грипп һәм ОРВИ буйынса эпидемиологик сик өлкән йәштәге кешеләр араһында үткән. Пневмония менән ауырығандар ҙа арта, улар күберәк дауаханаға ята башлаған.

Фото: alshvesti.ru