Салауаттар тауыш бирә

Салауат районында Рәсәй Федерацияһы Конституцияһына төҙәтмәләр индереүгә тауыш биреү буйынса участкалар эш башланы. Малаяҙҙағы 2806-сы һайлау участкаһы Дыуан күп профилле колледжы филиалында урынлашҡан.
Участка санитар талаптарға ярашлы ойошторолған. Ингәндә битлектәр, бирсәткә бирелә, температура үлсәнә һәм ҡулдар антисептик менән эшкәртелә. Бөгөн күптәре тауыш бирҙе лә инде.
Өйҙә тауыш бирергә теләгән 65 йәштәге өлкәндәр өсөн күсмә һайлау комиссияһы булдырылған.
Участкаларҙа 25 июндән – 1 июлгә 8.00 сәғәттән 20.00 сәғәткә тиклем тауыш бирергә мөмкин.