ҠОШТАРҒА – ТАҒАРАҠТАР!

Ҡыш – ҡоштар өсөн ауыр миҙгел. Ҡанатлы дуҫтарыбыҙға ярҙам итеү өсөн “Ҡоштарҙы ҡышын ашат” экологик старт алды. Был акцияға Малаяҙ башҡорт гимназияһы, “Шоңҡар” йәштәр һәм үҫмерҙәр клубы, “Бергә” ирекмәндәр хәрәкәте ағзалары ҡушылды.Балалар уҡытыусылар һәм педагогтар менән ҡағыҙҙан, шешәләрҙән, ағас киҫәктәренән тағараҡтар эшләне. Һәр уҡыусының тағарағы үҙенсәлекле килеп сыҡты. Балалар уларҙы йорт тирәһенә, мәктәп баҡсаһына элеп сыҡты.