Йәмәғәт, Ҡытайға бармағыҙ

Ҡытайҙа яңы вирус барлыҡҡа килгәнен ишеткәнһегеҙҙер? Коронавирус (2019-nCoV) декабрҙә үк теркәлгән, ә был айҙа сирләүселәр һаны тиҙ генә күбәйгән дә киткән.Баҡһаң, яңы коронавируста ярғанат һәм йылан вирустары бар, имеш. Улар йыландың организмында гибрид хасил иткән дә, кешегә йоҡҡан. Тәүҙә инфекцияны диңгеҙ ризыҡтары баҙары таратҡандыр, тигән фараз булған. Унда балыҡ, ҡыҫала-фәләндән башҡа, тағы ла һарыҡ, йорт ҡуяндары, йылан ите һатылған. Тикшереү, сығанаҡты эҙләү дауам итә.Сир киҫкен пневмония тыуҙыра (атипик пневмонияның туғаны). Ҡытай властары вирус таралған Ухань ҡалаһын ябып ҡуйған да ул... Әле йоғошло сир 600 самаһы кешелә асыҡланған.