Быйыл кемдәр пенсияға сыға?

Пенсия фондының Башҡортостан буйынса идаралығында 2020 йылда ҡартлыҡ буйынса пенсия нисек иҫәпләнеүен аңлаттылар. 2020 йылдан пенсия йәше тағы бер йылға артыуға ҡарамаҫтан, былтырғы кеүек үк ул элекке пенсия йәшенән ярты йылға һуңыраҡ тәғәйенләнә: ҡатын-ҡыҙҙарға 55,5 йәштә һәм ир-егеттәргә – 60,5-тә. Элекке ҡануниәт шарттары буйынса, 2019 йылда хаҡлы ялға сығырға тейешле граждандарға ҡаралған махсус ташлама ошондай аҙымды ҡулланырға мөмөкинлек бирә. Был категорияға 1964 йылда тыуған ҡатын-ҡыҙҙар һәм 1959 йылда тыуған ир-егеттәр инә. Льгота иҫәбенә улар, тыуған көнөн ниндәй ярты йыллыҡҡа тура килеүенә ҡарап, 2019 йылдың икенсе ярты йыллығында пенсияға сыҡты һәм 2020 йылдың тәүге ярты йыллығында хаҡлы ялға китәсәк.