Ялған хәмер һатыусыларҙы "Халыҡ контроле"нә ошаҡла!

Ялған хәмер һатыусыларҙы "Халыҡ контроле"нә ошаҡла!Бының өсөн яҡшы ғына аҡсалата премия биреү ҡаралған. Суррогат хәмер етештереүселәр тураһындағы мәғлүмәткә (әгәр ҙә ул раҫланһа) - 50 мең һум, һатыусыға - 2000 һум түләү ҡаралған.

Бының өсөн яҡшы ғына аҡсалата премия биреү ҡаралған. Суррогат хәмер етештереүселәр тураһындағы мәғлүмәткә (әгәр ҙә ул раҫланһа) - 50 мең һум, һатыусыға - 2000 һум түләү ҡаралған.

"Берҙәм Рәсәй"ҙең Башҡортостандағы "Халыҡ контроле" проекты һәм "Йәш гвардия"ның әүҙем ағзалары аҙна һайын ялған алкоголь, контрафакт тәмәке һәм хәмерҙе балиғ булмағандарға һатыуҙы асыҡлаған рейдтар үткәрә.

"Халыҡ контроле" проектының төбәк йәмәғәт советы ағзаһы Антон Буфетов әйтеүенсә, быйыл 459 магазин тикшерелгән. Уларҙа 154 теге йәки был хоҡуҡ боҙоу теркәлгән, БР эске эштәр министрлығы хеҙмәткәрҙәре менән 103 протокол төҙөлгән, суррогат һатҡан 34 "нөктә" асыҡланған. Рейдтар көндөҙ һәм төндә лә башҡарылған.

Ялған хәмер етештереүселәр һәм һатыусылар тураһында "Халыҡ контроле"нең stopsurogat@mail.ru электрон почтаһына, БР сауҙа һәм ҡулланыусыларҙың хоҡуҡтарын яҡлау буйынса Дәүләт комитетының "Хәүефһеҙ мөхит" порталына тәүлек әйләнәһенә хәбәр итергә мөмкин. Шулай уҡ эш көндәрендә иртәнге сәғәт 9-ҙан киске 7-гә тиклем +7 (347) 218-09-87 телефоны аша ялыуҙар ҡабул ителә.

Читайте нас: