"Китап байрамы" йәрминкәһендә "Балаларға китап бүләк итегеҙ" акцияһы бара

Республика акцияһы барышында йыйылған китаптар Башҡортостандың балалар йорттары фондына йүнәлтеләсәк. Бүләк ителгән китап мотлаҡ яңы булырға тейеш түгел. Яҡшы тороштағы уҡылған китап менән дә уртаҡлашырға мөмкин, тип хәбәр итә "Республика Башкортостан" гәзите.

- Мин улым уҡыған китапты алып килдем. Ул интернетта акция тураһында уҡығас, балалар йорттарынан балаларға китап бүләк итергә тәҡдим итте. Кемгәлер шатлыҡ, изге эш башҡарыу күңелгә хуш килә, - тип һөйләне Өфөнән Әлиә Заһитова.

Фото:Лариса Шепелева.