Бөтә яңылыҡтар
Акциялар
9 Июнь 2020, 11:32

Салауат Юлаевҡа арналған флешмоб иғлан ителде

16 июндә Башҡортостандың милли геройы, шағир һәм полководец Салауат Юлаевтың тыуыуына 266 йыл тула.Быйыл Салауат Юлаев көндәре тәүгә онлайн уҙғарыла.

16 июндә Башҡортостандың милли геройы, шағир һәм полководец Салауат Юлаевтың тыуыуына 266 йыл тула. Быйыл Салауат Юлаев көндәре тәүгә онлайн уҙғарыла.
Башҡортостан Республикаһының Мәҙәниәт министрлығы, Республика халыҡ ижады үҙәге һәм Башҡортостан Республикаһының сәсәндәр үҙәге милли батырҙың тыуған көнө уңайынан флешмоб иғлан итте.
Флешмобта сәсәндәр, халыҡтың ауыҙ-тел ижадын һөйөүселәр ҡатнаша ала. Улар социаль селтәрҙә #БашҡортСәсәндәре #СалауатМенән #СалауатЮлаев #РЦНТРБ #МКРБ #ЦентрСэсэновРБ хештегы менән Салауат Юлаевҡа арналған йырҙар һәм ҡобайырҙар башҡара, яугир шағирҙың шиғырҙарын һөйләй, видеороликтар менән бүлешә.
Флешмоб 2020 йылдың 12 июненән 16-һына тиклем дауам итә.