Бөтә яңылыҡтар
Акциялар
26 Август 2019, 17:10

Баланы мәктәпкә әҙерләш!

Республикала Рәсәйҙең Федераль суд приставтары ойошторған "Баланы мәктәпкә әҙерләш" акцияһы старт алды.

Республикала Рәсәйҙең Федераль суд приставтары ойошторған "Баланы мәктәпкә әҙерләш" акцияһы старт алды.

Сара йәмәғәтселекте алимент түләмәү проблемаһына, бәлиғ булмағандарҙың мәнфәғәтен һәм хоҡуҡтарын яҡлауҙы тәьмин итеүгә, шулай уҡ ата-әсә ҡарауынан мәхрүм ҡалған, етем балаларға иғтибар йәлеп итеү маҡсатынан уҙғарыла. Акция сиктәрендә республиканың суд приставтары көн һайын бурыслы ата-әсәләрҙең өйҙәренә барып, уларҙың йәшәү шарттарын ҡарап, ойошма бухгалтерия­ларының алиментты үҙ ваҡытында эш хаҡынан тотоп ҡалып ебәреү һәм башҡа түләү буйынса тикшереү өсөн рейдтарға сыға. Бәлиғ булмаған балаларына алимент түләүҙән баш тартыусылар административ һәм енәйәти яуаплылыҡҡа тарттырыласаҡ. Мәҫәлән, йыл башынан идаралыҡ подразделениелары тарафынан алимент буйынса бурыслыларға ҡарата РФ Енәйәт Кодексының 157-се статьяһы буйынса 906 енәйәт эше асылған.

Суд приставтары акция сиктәрендә структура подраз­делениеларында тематик “Асыҡ ишектәр көнө” үткәрә, Күп функциялы үҙәктәрҙә консультатив ярҙам, балалар йорттары, мәктәп-интернаттары өсөн мәрхәмәтлелек саралары ойоштора, мәктәп кәрәк-яраҡтары йыйып, балалар йорттарына һәм күп балалы ғаиләләргә тапшыра. Акция ай аҙағынаса тиклем дауам итә.

Суд приставтары ата-әсәләргә балалары алдындағы бурысы хаҡында онотмауын һәм алименттарын ваҡытында түләүен иҫкәртә. Бынан тыш, һәр теләгән кеше, интернет менән файҙаланып, бурысы барлығын-юҡлығын http://www.r02.fssprus.ru. адресы буйынса асыҡлай ала.

Миләүшә Зәрәфетдинова,

Салауат районының өлкән суд приставы –бүлек начальнигы.