Иң беренсе булып тауыш бирҙе

Халыҡ күпләп һайлау участкаларына ағыла, улар араһында ишектәр асылғанға тиклем үк килеп тороусылар ҙа күп.

Әлкә ауылында урынлашҡан 2774-се һайлау участкаһы рәйесе Зөлфирә Дамир ҡыҙы сараны гимндар менән асып ебәрҙе һәм коллегаларына уңышлы көн теләне. Шул минуттарҙан башлап тәүге һайлаусылар ҙа килеп инде.

Иң беренсе булып үҙ тауышын Лена Бәҙретдинова бирҙе.

- Һайлауҙарҙан бер ҙә ситтә ҡалғаным булманы. Был юлы бигерәк тә әүҙемлек күрһәтергә булдым, иртә менән килеп иң беренсе булып тауыш бирергә маҡсат ҡуйған инем. Һәм шулай булды ла, - тине ул.