Ҡышлаусы ҡоштарға — тағараҡ!

Ҡыш – ҡоштар өсөн бик ауыр миҙгел. Уларҙың күбеһе һыуыҡтан түгел, аслыҡтан үлә. Ҡоштарҙы сатлама һыуыҡта һаҡлау өсөн район мәктәптәренең күбеһе йыл һайын тағараҡ эшләй.Янғантау мәктәбенең 1Б класс уҡыусылары класс етәкселәре Лиана Ғәлиуллина менән тағараҡтар эшләп, уларҙы мәктәптең йортона элде. Бынан тыш балалар унда көн һайын ем өҫтәп тора. Афарин, янғантауҙар! Ҡанатлы дуҫтарыбыҙ ярҙамға мохтаж булғанда ситтә ҡалырға ярамай.