Наҙгөл – “Голос. Дети” проектында

Мәскәүҙә Беренсе каналда барған “Голос. Дети” ("Тауыш. Ба­лалар. 5-се миҙ­гел") про­ектында Ян­ғантау ауы­лынан һәләтле ҡыҙ Наҙгөл Оту­зо­ваға баһа­лама ағзалары бары­һы ла әйләнде. Наҙгөл итальян телендә “Ада­жио” ком­пози­цияһын баш­ҡарып, ос­таз­дарҙы ла, тама­ша­сыларҙы үҙе­нең көслө тауы­шы менән таң ҡалдырҙы.

Ил эстрадаһы йондоҙҙары Валерий Меладзе, Пелагея һәм Баста, бер-бер артлы ҡыҙыл төймәгә баҫып, залдағы тамашасылар кеүек, аяғүрә баҫып, ҡул сапты талантлы ҡыҙға.

Наҙгөл музыкаль белеме һәм вокал буйынса педагогы булмауы хаҡында әйтеп үтте. Жюри ҡыҙға һорауҙар биреп, ҡайһы команданы һайлауын һораны. Наҙгөлдө остаздарҙың һәр ҡайһыһы үҙенә алырға теләк белдерҙе. Ҡыҙ һис икеленмәй Баста командаһын һайланы. Проектты алып барыусы Дмитрий Нагиев Наҙгөлгә таланты һәм ҡорос характеры өсөн рәхмәт белдерҙе. “Һинең йырың иң яҡты, сағыу сығыштарҙың береһе булды” – тине, популяр алып барыусы.

Яҡлау төркөмөндә район мәғариф бүлеге начальнигы Нелли Рәхмәтуллина ла бар ине. Әле ул Мәскәүҙә конкурстың сираттағы этабына әҙерләнә.

Һин – беҙҙең ғорурлығыбыҙ, уңыштар юлдаш булһын. Афарин, Наҙгөл!