Бөтә яңылыҡтар
4 Февраль 2020, 10:20

ЕГЕТТӘР ҮҘҘӘРЕН ХӘРБИ ТЕХНИКАЛА ҺЫНАНЫ

Дыуан күп профилле колледжының Малаяҙ филиалы студенттары Ҡыйғы районындағы ДОСААФ-та шулай күнекмә үтә. Улар, ысын хәрби техникаға идара итеп, ғәмәлдә машиналарҙы йөрөтөү оҫталығын нығыта. Егеттәрҙе аҙна һайын колледж уҡытыусыһы Рөстәм ХӨСНУЛЛИН күрше районға ялан шарттарында күнекмә үтергә йөрөтә.

Дыуан күп профилле колледжының Малаяҙ филиалы студенттары Ҡыйғы районындағы ДОСААФ-та шулай күнекмә үтә. Улар, ысын хәрби техникаға идара итеп, ғәмәлдә машиналарҙы йөрөтөү оҫталығын нығыта.
– Егеттәрҙе беҙ МТ-ЛБ* машинаһы һәм "КамАЗ", "Урал" автомобилдәре базаһындағы хәрби техникала йөрөргә өйрәтәбеҙ. Унда "автомеханик" һөнәрен үҙләштереүсе 12 студент шөғөлләнә. Улар – барыһы ла сығарылыш курсынан, быйыл яҙ әрмегә алына торған егеттәр. Был учениелар хәрби хеҙмәткә китер алдынан уларға, ауыр техникаларҙа йөрөп, һөнәр оҫталыҡтарын нығытырға мөмкинлек бирә, – ти филиал директоры Рәфис Ғибаҙуллин.
Егеттәрҙе аҙна һайын колледж уҡытыусыһы Рөстәм ХӨСНУЛЛИН күрше районға ялан шарттарында күнекмә үтергә йөрөтә.
Рөстәм Хөснуллин фотоһы.
МТ-ЛБ* – многоцелевой транспортёр-тягач лёгкий бронированный.