“Шайтан-Көҙәй” тирмәләр кемпингында – оҫталыҡ дәрестәр көнө

Иҙрис ауылы эргәһендәге “Шайтан-Көҙәй” тирмәләр кемпингыһы халыҡты оҫталыҡ дәрестәр көнөнә саҡыра. Сара иртәгә 11:00 сәғәттә башлана.Оҫталар Илфат Исмәғилев, Римма Ғәрифуллина, Айгөл Ғалиасҡарова, Миләүшә Бикмеева һәм башҡалар сараға килеүселәрҙе балсыҡтан һауыт-һаба эшләргә, бетеү яһарға, кедр тубырсығын ултыртырға, йөндән төрлө әйберҙәр эшләргә өйрәтәсәк. Әлфиә һәм Наил Ғәлиевтар һауа шарында осоуҙың нескәлектәре менән таныштырасаҡ. Бынан тыш халыҡҡа саңғыла, тюбингтан шыуып, тирмә эсендә ял итеп, онотолмаҫлыҡ тәьҫораттар алырға мөмкин. Ҡыҙыҡлы саранан ситтә ҡалмағыҙ!