Яңы йылды тирмәлә ҡаршы алдылар

Салауат районында йәшәүсе бер төркөм кешеләр Яңы йылды Иҙрис ауылы эргәһендәге Шайтан-Көҙәй тирмәләр кемпингыһында ҡаршы алды. Был хаҡта “Янғантау” геопаркы хеҙмәткәре Раушания Муфтахова “Бәйләнештә” социаль селтәрендәге шәхси битендә яҙҙы.Беҙ Яңы йылды үҙенсәлекле ҡаршы алдыҡ: тюбингта шыуҙыҡ, һуңынан йәйәү мәмерйәгә барып еттек. Юлды беҙгә тирмә хужаһы Илфат Исмәғилев һалып, күрһәтеп барҙы. Бик ҡыҙыҡлы булды. Тирмә эсендә йоҡлап, онотолмаҫлыҡ тәьҫораттар алдыҡ.