Мәҙәниәт йортоноң фойеһында район халҡын һәм ҡунаҡтарҙы Ҡыш бабай менән Ҡарһылыу ҡаршы ала. Уларҙың уртаһында ҡар бабай ҙа урын алған. Уларҙан йыраҡ түгел яһалма камин эшләнгән. Йәнһүрәт геройҙары, биҙәлгән шыршы, ҡағыҙҙан эшләнгән ҡар бөртөктәре – былар барыһы ла байрам кәйефен бүләк итә. Был матурлыҡтарҙы мәҙәниәт йортоноң рәссам-декораторы, оҫта ҡуллы, фантазияға бай Эльмира Перевышина эшләгән.